लहान, चैत्र २० – प्रेस मञ्च नेपाल सिरहाको दोस्रो जिल्ला अधिवेशन सिराहा लहानस्थित माखनभोग होटलमा पत्रकारहरूको व्यापक सहभागितामा भव्य रूपमा सम्पन्न भएको छ। अधिवेशनको अध्यक्षता जितेन्द्र सिंह दनुवारले गरेका थिए भने प्रमुख अतिथि जसपा नेपालका केन्द्रीय सचिव तथा पूर्व वन तथा वातावरण राज्यमन्त्री सुरेश मण्डल रहेका थिए।
विशिष्ट अतिथिका रूपमा प्रेस मञ्च नेपालका केन्द्रीय कार्यवाहक अध्यक्ष मनोज यादव,प्रेस मञ्च नेपालका केन्द्रीय महासचिव अवधेश झा, प्रदेश अध्यक्ष अभरेन्द्र यादव, नेपाल पत्रकार महासंघ सिराहा अध्यक्ष मनोज बनैता, प्रेस युनियनकी निर्मला दाहाल, प्रेस चौतारीका शिव कुमार शाह लगायत पत्रकारहरूको उल्लेखनीय उपस्थिति रहेको थियो।
कार्यक्रममा महेश सिंहको अध्यक्षतामा नयाँ जिल्ला समिति गठन गरिएको छ। जसअनुसार रामसेवक राम र विजय कुमार यादव उपाध्यक्षमा चयन भए। सचिवमा मोहम्मद रहमुल राईन, सह–सचिवमा मिना मण्डल र हेमन्त कुमार दास, कोषाध्यक्षमा विनिता कुमारी चौधरी चयन भए।
सदस्यमा चन्दु चौधरी, बलिराम यादव, खेम रन्जन यादव, हेम प्रसाद पासवान, मनोज कुमार यादव (मन्जय), असेस कुमार साह, जय नारायण यादव, प्रज्वल चौधरी र शत्रुधन महतो रहेका छन्।
सिराहाबाट प्रदेश प्रतिनिधि शितल साह, जितेन्द्र सिंह दनुवार, ओम प्रकाश यादव, शम्भु यादव, आशिष कुमार साह, अमरेन्द्र यादव र कासिन्द्र यादव चयन भए। केन्द्रीय सदस्यतर्फ विरेन्द्र कुमार यादव, विनोद मण्डल, जितेश मण्डल, सन्जु दास, प्रेम शिला यादव र निरज यादव चयन गरिए।
प्रेस मञ्च नेपालका केन्द्रीय कार्यवाहक अध्यक्ष मनोज यादवले कार्यक्रममा बोल्दै पत्रकारितामा सत्य र तथ्य लेख्नुपर्नेमा जोड दिँदै राजनीतिक परिवर्तनमा प्रेस मञ्च नेपालको योगदान स्मरण गरे। साथै, काठमाडौँको तीनकुनेमा मारिएका पत्रकार सुरेश रजकप्रति श्रद्धाञ्जली अर्पण गर्दै उहाँलाई शहीद घोषणा गर्न सरकारसँग माग गरे।
