गौशाला, चैत्र ९ गते ।
महोत्तरीमा एकपछि अर्को योजना शिलान्यासको क्रमले गति लिएको छ । मधेस प्रदेश सरकारका भौतिक पूर्वाधार मन्त्री सरोजकुमार यादवले जिल्लामा क्रमवद्ध रुपमा योजनाहरुको शिलान्यास गर्न थालेपछि नागरिकमा उत्साह थपिएको छ ।
शुक्रबारमात्रै मन्त्री यादवले बर्दिवास नगरपालिकामा तीनवटा योजनाको शिलान्यास गरेका छन् । त्यसक्रममा मन्त्री यादवले विकासको लहर देखेर विपक्षीहरु आत्तिएको प्रतिक्रिया दिए ।
सञ्चारकर्मीसँग खासै बोल्न नरुचाएका उनले कसैले अवरोध गर्दैमा विकासको काम नरोकिने ठोकुवा गरे । बुधबार रामगोपालपुर ८ टिकुलियादेखि ससौला जाने सडक स्तरोन्नति कार्यको शिलान्यास गर्ने क्रममा अवरोध खेपेका मन्त्री यादवले भर्ने कोही कसैले रोक्न खोज्दैमा विकासको काम रोकिदैन ।
विकासको लहर देखेर विपक्षी मानसिकता भएकाहरु आत्तिनुलाई स्वभाविक रुपमा लिनुपर्छ । हामीले जनताको माग र आवश्यकताका आधारमा विकासको काम गर्ने हो । जनताले हामीलाई दिएको म्यान्डेट पूरा गर्न कुनै तत्वले चाहेर रोकिनेवाला छैन ।
विकासमा अबरोध गर्नेलाई जनताले नै सखाप पार्छ ।’मन्त्री यादव गृह जिल्लाबाटै लखेटियो भनेर समाचारहरु आइरहेको छ नि भन्ने जिज्ञासामा उनले प्रतिप्रश्न गर्दै भर्ने आधारहीन कुरा पनि समाचार हुन्छ ? जनताले ब्यालेटबाटै लखेटिसकेको दलका केही थान कार्यकर्ताहरुले अरुको विषयमा लखेटिए भनेर हल्ला फिजाउनु हास्यँस्पद हो । सबै कुरा जनताको सामुनेमा छ ।’
शुक्रबार मन्त्री यादवले बर्दिवास नगरपालिकाको वडा नम्बर १ स्थित पानी खोलसी टोलमा ३५ लाखको सडक ढलान, वडा नम्बर ४ एकचाइ टोलमा २५ लाखको सडक ढलान र वडा नम्बर ८ हाथिलेटमा खोला तटबन्ध कार्यको शिलान्यास गरेका हुन् ।
त्यसक्रममा मन्त्री यादवसँगै प्रदेशसभा सदस्य शारदादेवी थापा, नेकपा एमालेका नेता शंकर महतोलगायतको उपस्थिती रहेको थियो । त्यसअघि मन्त्री यादवले एक महिनाको अवधिमा मात्रै दर्जनौं बढी योजनाको शिलान्यास गरेका छन् ।
उनका अनुसार सयौं भन्दा बढी स्थानमा शिलान्यास भएर योजना सञ्चालनको क्रममा छ । कतिपय योजनाहरु सम्पन्नको अवस्थामा गइसकेको उल्लेख गर्दै मन्त्री यादवले सबै भन्दा नमुना काम गर्ने उपभोक्ता समितिलाई सम्मान समेत गर्ने बताए ।
भब्सी खोलामा तटबन्धका लागि छुट्टयाइएको रकम अपुग भएकोले यो टोल तथा यहाका जग्गा जोगाउन अझै बजेट छुट्टाउनु पर्ने आवश्यकता देखिएको उनले बताए । बर्षाको महिनामा खोलापारी आवतजावत गर्ने तथा बिद्यालय जान समेत सम्स्या भईरहेको स्मरण गर्दै मन्त्री यादवले पुल निर्माणका लागि बजे छुट्याइसकेको उल्लेख गरे ।
लामोसमयदेखि विकासको उपेक्षामा रहेको महोत्तरीमा प्रदेश सरकारबाट मात्रै यसपटक चारसय बढी योजनाहरु सञ्चालनको प्रक्रियामा रहेको मन्त्री यादवका सचिवालयको दावी छ । सभार द पब्लिक टुडे
