जनकपुरधाम, चैत ८ । धनुषाको एक सरकारी स्कूलमा एक विद्यार्थीमाथि छुरा प्रहार भएको छ । धनुषाको नमुना उच्च मावि गिद्धा बेलापट्टि स्कूलमा अध्ययनरत धनुषाको कमला नगरपालिका वडा नम्बर ३ लगमा बस्ने राजाराम मण्डलका १२ बर्षिय छोरा दिपेश मण्डलमाथि छुरा प्रहार भएको हो ।
स्कूलको अँग्रेजी माध्यमतर्फ कक्षा ५ मा अध्ययनरत दिपेशमाथि सोही कक्षामा पढने विदेह नगरपालिकाको बफै बस्ने उमेश मण्डलका १२ बर्षिय छोरा विकास मण्डलले छुरा प्रहार गरेको जनाईएको छ ।
कक्षा समाप्त भएपछि बाहिर निस्केका दिपेशलाई विकासले घाँटीमा छुरा हान्ने प्रयास गरेका थिए । उनलाई टाउको बचाएपछि छुरा काँध (बाहु) मा लागेको छ । छुरा प्रहारबाट दिपेश घाईते भएका छन् । कक्षामा भएको समानय विवादपछि विकासले छुरा प्रहार गरेको दिपेशका काका धनिराम मण्डलले जानकारी दिए । उनका अनुसार, कक्षाकोठामा भएको समान्य भनाभनपछि विकासले उनलाई छुरा हानेको हो ।
आरोपित विकास फरार छन् भने दिपेशलाई थप उपचारको लागि जनकपुरधाम ल्याईएको छ ।
