पर्सामा लागुऔषध र अवैध चाँदीको गहनासहित २ जना पक्राउ

पर्सामा लागुऔषध र अवैध चाँदीको गहनासहित २ जना पक्राउ परेका छन् । पक्राउ पर्नेमा
वीरगन्ज महानगरपालिका ३१ का हिरालाल महतो छन् ।
महतोलाई लागुऔषध व्युरो शाखा वीरगञ्जको टोलीले लागुऔषध इन्जेक्सनसहित पक्राउ गरेको हो ।
पक्राउ परेका महतो सिमावर्ती शहर रक्सौलबाट लागुऔषध इन्जेक्सन डाइजोपाम ९० पिस, फेनार्गन ९० पिस नुर्फिन ९० पिस र निराभेट १० पत्ता खरिद गरी शरिरमा लुकाईछिपाई वीरगञ्ज भित्र्याइ रहेको अवस्थामा प्रहरीले रजत जयन्ती चौकबाट पक्राउ गरेको जनाएको छ ।
लागुऔषधसहित पक्राउ परेका महतोलाई आवश्यक कार्वाहीको लागि जिल्ला प्रहरी कार्यालयको जिम्मा लगाइएको लागुऔषध ब्युरो शाखा प्रहरी सहायक निरिक्षक पुष्कर केसीले जानकारी दिए ।
त्यसैगरी, पर्सा प्रहरीले वीरगञ्जकै गण्डक चौकमा चेकजाँच गर्ने क्रममा नुवाकोट पगर गाउँपालिकाका राजु लाम भनिने टिक राम तमाङ्गलाई पक्राउ गरेको छ ।
तमाङ्गकोले आफ्नो खल्तीमा राखेको चाँदीको बाला १ थान र औँठी १ थान फेला परेको हो । पक्राउ परेका तमाङगलाई आवश्यक अनुसन्धानको लागि प्रहरी कार्यालय बुझाइएको प्रहरी सहायक निरीक्षक केसीले बताए ।
सभार टुडेपाटी