प्रदेश प्राविधिक विश्वविद्यालय अध्यादेश बहुमतले स्वीकृत

जनकपुरधाम, पुस ११ गते ।
प्रदेश २ सरकारले ल्याएको अध्यादेश बहुमतले स्वीकृत भएको छ । आज बसेको प्रदेशसभा बैठकमा प्रदेश प्राविधिक विश्वविद्यालय अ्ध्यादेश २०७८ बहुमतले स्वीकृत भएको छ ।
सामाजिक विकासमन्त्री नवलकिशोर साहले पेश गरेको ‘प्रदेश प्राविधिक विश्वविद्यालय, २०७८’ सम्बन्धी अध्यादेश बहुमतले स्वीकृत भएको सभामुखले घोषणा गरेका हुन् ।
लोसपा नेपालका प्रमुख सचेतक परमेश्वर साहले ‘प्रदेश प्राविधिक विश्वविद्यालय, २०७८’ सम्बन्धी अध्यादेश अस्वीकृत गर्ने प्रस्ताव पेश गरेका थिए । उनले प्रस्ताव फिर्ता नलिएपछि उक्त प्रस्तावलाई बहुमतले अस्वीकृत गरिएको थियो ।
मन्त्री साहले विधेयकको रूपमा समय लाग्ने भएकाले सरकारले अध्यादेश ल्याएको बताए ।
यस अघि प्रदेश कृषि विश्वविद्यालय अध्यादेश समेत बहुमतले स्वीकृत भएको थियो ।