मनरा सिसवा नगरपालिकाबाट दुईजना भारतीय अटोमेटिक पेस्तोलसहित पक्राउ

रामगाेपालपुर, पुस १८ गते
महोत्तरीबाट अटोमेटिक पेस्तोलसहित दुईजना भारतीय नागरिक फक्राउ परेका छन् । भारतको सितामढी बासबिट्टी बस्ने १९ वर्षीय मुकेशकुमार मण्डल र १५ वर्षीय राजकुमार दासलाई प्रहरीले पक्राउ गरेको हो ।
मादक पदार्थ सेवन गरी महोत्तरीको मनरा सिसवा नगरपालिका १० मरुवाहीमा स्थानीयसँग दुबैजना विवाद गरेका थिए । विवाद पश्चात भाग्ने क्रममा दुवै जनालाई हतियारसहित नियन्त्रणमा लिएको महोत्तरीका सशस्त्र प्रहरी उपरीक्षक सुरेश सापकोटाले जानकारी दिए ।
दुबैजनाको साथबाट १ थान लोडेड सेमि अटोमेटिक पेस्तोल र १ थान स्प्रिङ चक्कु बरामद भएको र उनीहरुमाथि थप अनुसन्धान भइरहेकाे प्रहरीले जनाइएकाे छ ।