जनकपुरधाम, चैत ५ । धनुषा जिल्लाको सवैला नगरपालिकाको भटिहनमा यादव चोक विवाद उग्ररुप लिँदै गएको छ । आज विहान देखि स्थानीयबासीहरु त्यहाँ पुगेर आन्दोलन गरिरहेका छन् भने भारि संख्यामा प्रहरी परिचालन गरिएको छ ।
स्थानीय युवाहरुले भटिहन चोकको नामकरण यादव चोक गरेपछि अन्य युवाहरुले त्यसको विरोध गरेका छन् । सो क्रममा विवाद हुदा सोमबार प्रहरीको गोली लागि शहीद नगर नगरपालिकाकाका २२ बर्षीय सन्तोष यादव घाइते भएको र उनको उपचार काठमाडौँमा भईरहेको रहेको जिल्ला प्रहरी कार्यालय धनुषाले जनाएको छ ।
यादव पक्षले विरोधीको घरमाथि ठुङ्गामुढा गर्न थालेपछि प्रहरीले विवाद सम्य पार्न खोज्दा उनीहरु उग्रभई प्रहरीमाथिनै आक्रामक भएपछि प्रहरीले आत्मरक्षामा गोली चलाएको प्रहरीले जनाएको छ ।
९ प्रहरी घाइते
धनुषाको सबैलामा चोकको नामाकरणसम्बन्धी विवादलाई लिएर भएको झडपमा ९ जना प्रहरी घाइते भएका छन् । प्रदर्शनकारीको ढुंगामुढाबाट ९ जना प्रहरी घाइते भएको धनुषाका प्रहरी उपरीक्षक (एसपी) भुवनेश्वर तिवारीले जानकारी दिए ।
उनका अनुसार पाँचजना जनपथ र ४ जना सशस्त्र प्रहरी घाइते भएका हुन् । ‘प्रदर्शनकारीको ढुंगामुढा र भाटा प्रहारबाट ९ जना प्रहरी घाइते भएका छन् । कसैको टाउको फुटेको छ, कसैको मुखमा लागेको छ,’ एसपी तिवारीले भने ।
