प्रदेश २ मा २४ घण्टामा ३८३जनामा कोरोना पुष्टि

प्रतिक्षा खबर
जनकपुरधाम, भदौ ३ गते
प्रदेश २ मा पछिल्लो २४ घण्टामा ८७ जना महिलासहित ३८३ जनामा कोरोना संक्रमण पुष्टि भएको छ । पर्सा जिल्लामा सबैभन्दा बढी १९६ जनामा कोरोना संक्रमण पुष्टि भएको हो ।
त्यस्तै सर्लाहीमा ८९, रौतहटमा ३७, धनुषामा २७, बारामा २४, महोत्तरीमा ७ र सप्तरीमा १ जनामा बुधबार कोरोना संक्रमण पुष्टि भएको समाजिक विकास मन्त्रालयले जनाएको छ । । यो संगै प्रदेश २ मा कोरोना संक्रमितको संख्या ७ हजार ८८३ पुगेको छ ।
पछिल्लो २४ घण्टामा यो प्रदेशमा उपचार पश्चात १२ जना महिलासहित ८६ जना उपचार पश्चात कोरोना जितेर डिस्चार्ज भएको समाजिक विकास मन्त्रालयका बरिष्ट प्रशासक विजय झाले बताए ।
उनका अनुसार यस प्रदेशमा पछिल्लो २४ घण्टामा १ महिलासहित ३ जनाको मृत्यु भएको छ । पर्सा जिल्लाका ६० र ८२ वर्षका दुई पुरुष र ४० वर्षकी एक महिलाको कोरोना संक्रमणबाट मृत्यु भएको हो । यससंगै प्रदेश २ मा कोरोना संक्रमणबाट हालसम्म ५० जनाले ज्यान गुमाएका छन् ।