बिरामीलाई उपचार नै नगरी फिर्ता पठाउने अस्पताललाई कारबाही गर्ने प्रशासनको चेतावनी

प्रतीक्षा खबर
पर्सा, साउन २२ गते
केही दिनदेखि वीरगञ्ज लगायत पर्साका निजी अस्पतालले बिरामीहरुलाई उपचार नै नगरी फिर्ता पठाउन थालेपछि जिल्ला प्रशासन कार्यालय पर्साले त्यस्ता निजी अस्पताललाई कारबाही गर्ने चेतावनी दिएको छ ।
प्रशासनले अब उपरान्त यस्तो गर्ने अस्पताललाई कारबाही गर्ने चेतावनी दिएको हो । जिल्ला संकट व्यवस्थापन समितिको बैठकले बिरामीको परीक्षण नगरि स्वास्थ्यसँग खेलवाड गर्ने अस्पताललाई कानून बमोजिम कारवाही गर्ने निर्णय गरेको पर्साका सहायक प्रमुख जिल्ला अधिकारी ललितकुमार बस्नेतले जानकारी दिए ।
जिल्लाका सबै अस्पतालमा छुट्टै आइसोलेसन वार्ड व्यवस्था गर्न प्रशासनले निर्देशन दिएको छ । अस्पतालमा भर्ना भएका बिरामीममा कोभिड–१९ भएको देखिएमा मात्र कोभिड अस्पतालमा रिफर गर्न समेत सूचनामार्फत जानकारी गराएको हो ।