प्रदेश २ मधेस भवन प्रवेश निषेध, निवासबाटै काम

प्रदेश २ मधेस भवन प्रवेश निषेध, निवासबाटै काम

प्रतीक्षा खबर
जनकपुरधाम, साउन २२ गते ।
प्रदेश २ का मन्त्री, सांसद र मुख्यमन्त्री कार्यालय सहित विभिन्न मन्त्रालयका कर्मचारीमा कोरोना संक्रमण पुष्टि भएपछि मुख्यमन्त्री कार्यालयदेखि मन्त्रालयहरुमा प्रवेश निषेध गरिएको छ ।
आन्तरिक मामिला तथा कानुनमन्त्री ज्ञानेन्द्र कुमार यादव, प्रदेशसभा सदस्य डा. रिना यादव, मुख्यमन्त्री कार्यालय र समाजिक विकास मन्त्रालयका कर्मचारीमा संक्रमण भेटिएपछि मधेस भवन सुनसान देखिन थालेको छ ।
कोरोना संक्रमण फैलिन सक्ने भन्दै मुख्यमन्त्री सहित केही मन्त्री निवासबाटै कार्यसंचालनमा जुटेको र केही मन्त्री आफ्नो गृह जिल्ला पुगेको बताइएको छ । मुख्यमन्त्री कार्यालयका एक कर्मचारीका अनुसार संक्रमित कर्मचारीहरु आइशोलेसनमा भर्ना भएका छन् भने केही कर्मचारी निवासबाटै काम गरिरहेका छन् । मन्त्रालयका अधिकांश शाखामा ताला झुण्डिएको छ।