बिहीबार कर्णाली प्रदेशमा थप १०६ जनामा कोरोना संक्रमित

प्रतीक्षा खबर
रामगाेपालपुर, जेठ २२ गते ।
बिहीबार कर्णाली प्रदेशमा थप १०६ जनामा कोरोना भाइरसको संक्रमण पुष्टि भएकाे छ । योसँगै कर्णालीमा मात्रै २१३ जनामा संक्रमण पुष्टि भएको छ ।
कर्णाली स्वास्थ्य विज्ञान प्रतिष्ठानको प्रयोगशालामा भएको परीक्षणमा एकै दिन ठूलो संख्यामा पीसीआर रिपोर्ट पोजिटिभ आएको हो ।
कोरोना परीक्षण रिपोर्ट पोजिटिभ देखिएकामा दैलेखको नारायण नगरपालिकाका मात्र ६४ पुरुष र ५ महिला छन् । सँगै देवलकाँडाका १२, सोतका ९, मानटाकुराका ७, भगनीका ५, साडुका २ र बासकोटमा १ गरेर १०५ जना संक्रमित दैदेखका छन् ।
त्यसैगरी मुगुको खत्याडका अर्का एक पुरुषमा संक्रमण पुष्टि भएको प्रयोगशालाका प्रमुख विवेक पुनमगरले विज्ञप्तिमार्फत् जानकारी दिए ।