दुःखको घडिमा युवा संजालको साथ

धर्वेन्द्र कुमार यादव(यदुवन्शी)महोत्तरी, जेठ २१ गते ।
जनसहयोगी युवा संजाल वर्दिवासले औरहीका श्याम चौधरीलाई खाद्यान्न सामग्री सहित राहत प्रदान गरेका छन । वुधबार विहान औरही नगरपालिका २ का श्याम चौधरीलाई सजालले २ वोरा चावल, दाल, नुन, तेल, सावुनसहित सामग्री लिई घरमै प्रदान गरेका छन ।
संजालका अध्यक्ष परमेश्वर महतोका अनुसार पुत्रवियोगमा रहेको श्यामको परिवारलाई संजालले केही खाद्यान्न सामग्री वितरण गरिएको जनाएको छ । स्थानिय संचारकर्मी धर्वेन्द्र कुमार यादवले श्यामको पिडाको बारेमा संजाललाई जानकारी गराएपछि उनीहरुको पीडामा थोरै भएपनि आफुहरु मलहम दल्ने प्रयासमा जुटेको अध्यक्ष महतोले बताए ।
वैदेशिक रोजगारको क्रममा साउदी पुगेको एक मात्र २४ बर्षिय छोरा अनिल चौधरीलाई त्यहाँका सरकारले गत महिना मृत्युदण्ड दिएपछि श्यामका परिवार पुत्र वियोगमा रहदै आएका छन ।