नेपालमा काेराेना संक्रमितकाे कूल संख्या ६८२ पुगयाे

प्रतीक्षा खबर
रामगाेपालपुर, जेठ १२ गते ।
स्वास्थ्य तथा जनसंख्या मन्त्रालयले सोमबार दिउँसो थप ६ जनामा कोरोना संक्रमण पुष्टि गरेको छ ।
स्वास्थ्य तथा जनसंख्या मन्त्रालयले गरेकाे नियमित पत्रकार सम्मलेनमा थप ६ जनामा संक्रमण पुष्टि भएकाे बताइएको छ । याे सँगै नेपालमा काेराेना संक्रमितकाे कूल संख्या ६८२ पुगेकाे छ ।
मन्त्रालयका प्रवक्ता डा विकास देवकाेटाका अनुसार नयाँ संक्रमित हुनेहरुमा सेती अस्पताल धनगढीमा उपचाररत अछामकाे मेल्लेकका ३२ वर्षीय पुरुष, भेरी अस्पताल नेपालगन्जमा उपचाररत बर्दियाका २२, २४ र १८ वर्षका तीन जना पुरुष र नारायणी अस्पताल वीरगन्जमा उपचाररत बाराका एक र काठमाडाैंमा २८ वर्षीय एक पुरुष रहेका छन् ।
त्यसैगरी कोरोना निको हुनेको सङ्ख्या ११२ पुगेको प्रवक्ता देवकोटाले जानकारी दिए ।