जनकपुरधाम : डा. सीके राउत नेतृत्वको जनमत पार्टले शनिबार जनकपुरमा आमसभा गर्न लागेको छ ।
आमसभाको सम्पुर्ण तयारी पुरा भएको सो पार्टीका धनुषा इन्चार्ज इन्द्रजित यादवले जानकारी दिए । उनका अनुसार जनकपुरको रंगभुमि मैदानमा भोली शनिवार दिउसो १ बजे सभा सुरु हुनेछ । सभामा ठूलो संख्यामा जनता उतार्न ब्यापक प्रचार प्रसार गरिएको छ ।
सभामा अध्यक्ष डा. राउतले सम्बोधन गर्नेछन् । स्थानीय तहको उपनिर्वाचनमा धेरै उम्मेदबार उठाएपनि पराजित व्यहोरे । त्यसपछि डा. राउत संगठन निर्माणमा सक्रिय भएका छन् । उनी मधेसको विभिन्न जिल्लामा आमसभा गरिसकेका छन् ।
डा. राउत सरकारसंग ११ बुंदे सम्झौतापछि मुलधारको राजनीतिक सुरू गरेका छन् । उनले पछिल्लो समय मधेसबादी दलका नेताहरुको कडा आलोचना गर्छन् ।
मधेसी नेताहरु व्यक्तिगत स्वार्थमा लागेकै कारण मधेसको मुद्दा सम्बोधन नभएको डा. राउत बताउदै आएका छन् । उनको सभामा मधेसी जनता उर्लिने गर्छन् ।
डा. राउत अहिले पनि जनमत संग्रहको माग गरिरहेका छन् । उनले जनता राज ल्याउन र भ्रष्टाचार अन्त्य गर्न आमसभा गरिरहेको बताउंछन् । साभारः टुडेखोज
