महाेतरीमा सडक दुर्घटना हुँदा एक जनाको मृत्यु

प्रतिक्षा खबर
महोत्तरीको बर्दीबासमा विहान सडक दुर्घटना हुँदा एकजनाको मृत्यु भएको छ।
बर्दीबास नगरपालिका–१ स्थित बर्दीबास चौकमा रोकेर राखिएको ना. ३ स. २३६१ नम्बरको अटोलाई आर जे ०२ जी बि ३३४७ नम्बर भएको भारतीय लहरीले ठक्कर दिँदा अटो चालक बर्दीबास नगरपालिका–१ निवासी भीमबहादुर श्रेष्ठका ४० वर्षीय छोरा टेकनारायण श्रेष्ठको मृत्यु भएको हो।
गम्भीर घाइते श्रेष्ठलाई उपचारका लागि बर्दीबास जनसेवा हस्पिटल लगिएकोमा त्यहीँ मृत्यु भएको ईलाका प्रहरी कार्यालय बर्दिबासका प्रवक्ता सोनु कुमार साहले जानकारी दिए।
भारतीय लहरी चालक अरबिन कुमार बलाइत लहरी इलाका प्रहरी कार्यलय बर्दिबासको नियन्त्रणमा रहेका छन्‌।