गोपाल झा , महोत्तरी, फल्गुन ११ गते
महोत्तरीको निर्वाचन क्षेत्र नं. ३ अन्तर्गत मटिहानी नगरपालिकामा उज्वल झाको उपस्थितिमा जनसम्पर्क तथा सार्वजनिक भेटघाट कार्यक्रम उत्साहजनक सहभागिताका साथ सम्पन्न भएको छ ।
राष्ट्रिय स्वतन्त्र पार्टी ( रास्वपा ) का उम्मेदवार उज्वल झाले स्थानीयहरूसँग प्रत्यक्ष संवाद गर्दै विकास, समृद्धि र परिवर्तनका विषयमा खुला तथा सार्थक छलफल गरेका थिए । 
कार्यक्रममा सहभागी स्थानीयवासीहरूले आफ्नो टोल–बस्तीका समस्या, पूर्वाधार विकास, शिक्षा, स्वास्थ्य, कृषि तथा रोजगारीका विषयमा धारणा राखेका थिए । विशेषगरी सडक स्तरोन्नति, सिंचाइ व्यवस्था, खानेपानी, युवाहरूका लागि स्वरोजगारको अवसर र महिला सशक्तीकरणका सवाललाई प्राथमिकताका साथ उठाइएको थियो ।
संवादका क्रममा उम्मेदवार झाले मटिहानी लगायत यस क्षेत्रको समग्र विकासका लागि पारदर्शिता, जवाफदेहिता र योजनाबद्ध कार्यान्वयन आवश्यक रहेको बताए । उनले स्थानीय तह, प्रदेश र संघबीचको समन्वयमार्फत दिगो विकास सम्भव हुने उल्लेख गर्दै जनताको सुझावलाई प्राथमिकतामा राखेर अघि बढ्ने प्रतिबद्धता व्यक्त गरे । 
कार्यक्रमबाट प्राप्त सकारात्मक सन्देश र उत्साहजनक सहभागिताले परिवर्तनको यात्रामा थप ऊर्जा मिलेको उनले बताए । समृद्ध मटिहानी निर्माणका लागि नागरिकहरूको साथ, समर्थन र विश्वास अपरिहार्य रहेको उल्लेख गर्दै आगामी दिनमा यस्ता प्रत्यक्ष संवाद कार्यक्रमलाई निरन्तरता दिने योजना रहेको जानकारी गराइएको छ । 
प्रतिनिधी सभा सदस्यकाकालागी रास्वपाका उमेदबार उज्ज्वल आफैंमा स्थानीयसँग परिचित अनुहार हुन्, त्यसले यहाँका मतदाता उनीसँग प्रभावित छन् । ०७९ सालको प्रदेशसभा निर्वाचनमा उनी स्वतन्त्र उम्मेदवार उठेर तत्कालीन ५ दलीय सत्ता गठबन्धनका उम्मेदवारलाई टक्कर दिएका थिए । लोकतान्त्रिक समाजवादी पार्टीकी रानीकुमारी तिवारीले ६ हजार ४ सय १४ मत पाएर विजयी हुँदा स्वतन्त्र उज्ज्वलले ५ हजार ४ सय ८९ मत पाएका थिए ।
फागुन २१ को मतदान नजिकिँदै गर्दा अन्य राजनीतिक दलले पनि चुनावी प्रचार प्रसारलाई तीब्र बनाएका छन् ।
