कनकपट्टीमा जसपा,नेपालको वार्ड स्तरीय बैठक सम्पन्न

जनकपुर धाम ,कार्तिक १० गते ।
जनतासंग जसपा,नेपाल: आधारभूत संगठन निर्माण अभियान महापर्वलाई सफल पार्न उदेश्य ले जनकपुरधाम उपमहानगरपालिका को वार्ड नं १७ स्थित कनकपट्टी गाउँमा जसपा,नेपालको वार्ड स्तरीय बैठक सम्पन्न भएको छ।
सो विस्तारित बैठकबाट वार्ड कमिटीले नियमित बैठक गरि वार्ड कमिटीको विस्तार ,भातृ संगठन हरुको गठन,पार्टी सदस्यता नविकरण,नयां सदस्यता वितरण,समय समयमा वार्ड स्तरीय भेला,बैठक ,गोष्ठी ,प्रशिक्षण सहितका कार्यक्रमहरु पार्टी विधान २०८० अन्तर्गत निरन्तर गर्ने सर्व सहमतिले निर्णय गरिएको छ।
जसपा,नेपाल का केन्द्रीय अभियन्ता ,केन्द्रीय सदस्य पुर्व नगर प्रमुख लालकिशोर साह,केन्द्रीय अभियन्ता प्रदेश सांसद रामअशिष यादवको विशेष उपस्थिति र जसपा,नेपाल वार्ड नं १७ का अध्यक्ष दुखी यादवको अध्यक्ष्ातामा भएको वार्ड स्तरीय बैठकमा प्रदेश अभियन्ता रामो महरा ,जिल्ला उपाध्यक्ष द्वय ललित मंडल,रामशंकर पासमान,नगर अध्यक्ष विष्णु देव साह ,पुर्व वडा अध्यक्ष परमेश्वर यादव दलित नेता गोविन्द मुखिया सहित वक्ताहरूले जसपा,नेपाल को नीति सिद्धान्त र संगठन निर्माण अभियान सम्बन्धमा विचार व्यक्त गरेका छन।
सो बैठकमा स्थानीय समाजसेवी अगुवा नेताहरूको उल्लेखनीय सहभागिता रहेका छन।