नवनियुक्त उपकुलपतिको सपथ

जनकपुरधाम, चैत्र ५ । मधेश स्वास्थ्य विज्ञान प्रतिष्ठानका नव नियुक्त उपकुलपति प्रा. डा. अंकुर साहले पद तथा गोपनियताको सपथ लिनु भएको छ ।
नव नियुक्त उपकुलपति डा. साहले प्रतिष्ठानका कुलपति एवं मुख्यमन्त्री सरोज कुमार यादव समक्ष पद तथा गोपनियताको सपथ लिनु भएको हो ।
उक्त अवसरमा सह कुलपति एवं स्वास्थ तथा जनसंख्या मन्त्री बिरेन्द्र कुमार सिंह, मुख्यन्यायाधिवक्ता बिरेन्द्र ठाकुर , नीति तथा योजना आयोगको उपाध्यक्ष नाथु राम चौधरी , प्रतिष्ठानका पदाधिकारीहरुको उपस्थिति रहेको थियो ।
उक्त अवसरमा मुख्यमन्त्री यादवले उपकुलपतिको नियुक्ति पछि प्रतिष्ठानले गति लिने बिश्वास ब्यक्त गर्नु भयो । उहाँले स्वास्थ्य मन्त्रालयले एक नं. मा सिफारिस गरेकै योग्य ब्यक्तिलाई आफुले नियुक्त गरेको बताउनु भयो ।