महाेत्तरीकाे पिपरामा नियमित सप्ताहिक सरसफाइ अभियानको सुरु

राजेश सिंह
गाैशाला, भदौ २० गते ।
महाेत्तरीकाे पिपरामा नियमित सप्ताहिक सरसफाइ अभियानको सुरु गरिएको छ । शनिबार पिपरा गाउँ पालिकाको वडा नम्बर ६ रतौलीमा नियमित रुपमा सप्ताहिक सरसफाइ अभियान सुरु गरिएको हाे ।
पुर्ण सरसफाइ कार्यक्रम अन्तर्गत रतौली युवा क्लवको सहजीकरण तथा W-WASH-CC रतौलिको आयोजनामा पिपरा गाउँ पालिकाको वडा नम्बर ६ रतौलीमा वडा अध्यक्षको अगुवाइमा वडाको ब्रहमस्थान मन्दिर परिसरबाट बर पिपलका बोटहरु वृक्षरोपण सहित स्वच्छ वातावरण निर्माणका लागि सार्वजनिक स्थलहरुको नियमित साप्ताहिक सरसफाइ अभियानको सुरु गरेको कार्यक्रम संयाेजक: महेश जाेशीले बताउनुभयो ।
GSF/UN-HABITAT को आर्थिक प्राविधिक सहयोग र रताैली युवा क्लब महोत्तरीकाे सहजीकरणमा महोत्तरी जिल्लाका तीन वटा स्थानिय तहहरुमा संचालित पुर्ण सरसफाइ कार्यक्रम अन्तर्गत गाैशाला नगरपालिकाबाट ७ वटा वडा, बलवा नगरपालिकाबाट ३ वटा वडा र पिपरा गाउँपालिकाबाट ३ वटा गरि जम्मा १३ वटा वडामा कार्यक्रम चलिरहेको र त्यही अनुसार नियमित रुपमा सप्ताहिक सरसफाइ अभियान सुरु गरिएको पुर्ण सरसफाइ कार्यक्रमका संयाेजक: महेश जाेशीले जनाउनुभयाे ।
यसैगरी जिल्लाकाे तीन वटै पालिकामा पुर्ण सरसफाइ कार्यक्रम लागू भएको हाे । यस कार्यक्रमले वडामा भएको प्रत्येक घरधुरीहरुलाई चर्पीकाे सुधार, चर्पी नभएको घरधुरीहरुलाई चर्पी बनाउनु पर्ने, हातधुने ठाउँ बनाउनु पर्ने, नियमित रुपमा सरसफाइ र साबुनपानीले हात धुनुपर्ने, भाडा सुकाउने चयाङ बनाउनु पर्ने, पानीलाई कुनै विधिबाट शुद्धिकरण गरि खानुपर्ने लगायत नियमित रुपमा सरसफाइमा ध्यान दिनुपर्ने कुरामा लागू हुनेछ ।