महाेतरीमा १ वर्षमा १७४ दुर्घटना

प्रतीक्षा खबर
रामगाेपालपुर, साउन ७ गते ।
महोत्तरीमा १ वर्षमा भएको सवारी दुर्घटनामा ४६ जनाको मृत्यु भएको छ । आर्थिक वर्ष २०७६÷७७ मा भएको १ सय ७४ दुर्घटनामा ३१ पुरुष, १० महिला र ५ जना बालबालिकाले ज्यान गुमाएका हुन् ।
जिल्ला ट्राफिक कार्यालय महोत्तरीका अनुसार गएको असार मसान्त सम्ममा साना तथा ठूला दुर्घटनामा परी ९५ जना गम्भिर घाइते भएका छन् भने ७३ जना सामान्य घाइते भएक हुन् ।
ट्राफिकको तथ्यांक अनुसार सबैभन्दा बढी दुर्घटना हुने सवारी साधनमा मोटरसाइकल र स्कुटर रहेका छन् । त्यसपछि कार जिप, ट्रक ,ट्याक्टर, भ्यान, टेम्पो र सबभन्दा कम दुर्घटना हुनेमा माइक्रोबस, रहेको छ ।
यसैगरी दुर्घटना गराउने सवारीका चालक १६ वर्षदेखि २५ वर्ष उमेरका ४ सय २७ जना र २५ वर्षदेखि ४० वर्ष उमेरका ७ सय ८ र ४० वर्षभन्दा माथि उमेरका २ सय १३ जना रहेका छन् ।
दुर्घटनाको कारण सडकको अवस्था, चालकको लापरबाही, तीव्र गति, मदिरा सेवन गरेर सवारी साधन चलाउनु, सडकमा छाडा चौपाया छाडनु, पैदल यात्रुले जथाभावी सडक पार गर्नु र क्षमताभन्दा बढी यात्रु तथा माल सामान बोक्नु सवारी दुर्घटनाको कारण रहेकोे कार्यालयले जनाएको छ ।