भारत र चीनकाे सीमामा भएकाे झडपमा ६३जनन सैनिक मारिए

प्रतीक्षा खबर
भारत र चीनको सीमामा भएको झडपमा ४३ चीनीयाँ र २० जना भारतीय सैनिक मारिएका छन् ।
भारतीय संचारमाध्यमका अनुसार लद्दाखको १४ हजार फिट उचाइँमा रहेको गालवन भ्यालीमा यो झडप भएको हो
यो क्षेत्रमा पछिल्लो ४१ दिनदेखि तनाव रहेको छ । तनावलाई कम गर्नका लागि छलफल भइरहँदा १५ जुन साँझदेखि थप तनाव सिर्जना भएको थियो ।
त्यसपछि भएको झडपमा भारतीय सेनाका कर्णेलसहित २० जना सैनिकको भारतीय सेनाले जनाएको छ ।
ज्यान गुमाउनेमा १६ बिहार रेजिमेन्टका कमान्डिङ अफिसर कर्णेल सन्तोष बाबू, हवलदार पालानी र सिपाही कुन्दन झा सामेल छन् ।
अन्यको नाम सार्वजनिक भएको छैन ।
झडपको क्रममा दुबै तर्फका अझै केही जवान घाइते भएको बताइएको छ । त्यसैले मृत्यु हुनेको संख्या अझै बढ्न सक्ने भारतीय संचारमाध्यमहरुले जनाएका छन् ।