७ वर्षीय बालिकाको आफ्नै बुुबाले गरे हत्या

प्रतीक्षा खबर
वीरगंज, वैशाख ८ गते ।
पर्साको वीरगंजमा ७ वर्षीय बालिकाको हत्या आफ्नै बुुबाले गरेको खुुलेको छ।
वडानम्बर –१ छप्कैयाका संजय सरार्फले छोरी अंशू कुमारी सरार्फको घाँटी थिचेर हत्या गरेको प्रहरी अनुसन्धानबाट खुलेको हो ।
गएको चैत ११ गते सरार्फले छोरीलाई हत्या गरी छोरीले आत्महत्या गरेको बताएका थिए। घरको माथिल्लो तलामा झुण्डिएर आत्महत्या गरेको भन्दै सोही दिन आफैं अस्पताल लगेका थिए। अस्पतालमा लैजाने क्रममा बाटैमा मृत्युु भएको प्रहरीलाई बयान दिएका थिए।
हामीलाई उनको कुरामा शंका थियो, ७ वर्षीया बच्चाले आत्महत्या गरेको दावी र घटनास्थलको अवस्था हेर्दा हामीले पत्याउने आधार नै थिएन’, पर्साका प्रहरी नायव उपरीक्षक बीरेन्द्रबहादुर साहले आइतबार भने, ‘बुुबाको बनावटी कुुरा रहेछ भनेर उनलाई पक्रेका हौं, पछि वास्तविकता खुल्यो।
सरार्फले छोरीले जिद्दी गरेको र सुरुमा झापड लगाएर पछि हातले घाँटी थिचेको वयान प्रहरीलाई दिएका छन्। छोरीको जिद्दीका कारण आफूले आवेसमा आएर यस्तो गरेको बयान दिएको डीएसपी साहले बताए।
घटना लगत्तै भने उनले झुण्डिरहेको अवस्थामा फेला पारेको बताएका थिए। घाँटी थिचेर अचेत बनाएपछि बचाउन सकिन्छ कि भन्दै उनले छोरीलाई नारायणी अस्पताल लगेका थिए। टुडेपाटी