नागेन्द्र कुमार यादव
साेनमा, चैत ३० गते ।
लकडाउनकाे २० अाै दिन बितेपनि राहत वितरण नगरेपछि अति विपन्न वर्गका परिवारहरु निराश भएका छन। सर्लाहीको हरिपुरवा नगरपालिकाका गरिब तथा अति विपन्न वर्गका परिवारहरु यहिलेसम्म राहत नपाउदा निराश भएका छन ।
हरिपुरवा नगरपालिका वडा नम्बर ५ मा रहेका मुसहर टाेलका ३० वर्षिय राजेन्द्र माझी भन्छन् । मेरो दुईवटा छाेरा, दुईवटा छाेरी र श्रीमती लगायत जम्मा ६ जनाकाे परिवार छ । अहिले लकडाउनकाे अवस्थामा सधैं काम पनि लाग्दैन कुनैदिन मात्र काम गर्न जान्छौं त्यो पैसाले सधैं घर चलाउन एकदम समस्या भइरहेकाे उनी बताउँछन् । त्यतै त्यहि टाेलकी एकल महिला, हिरमतिया माझी भन्छन् घरमा काेही कमाउने मान्छे छैन मेरो छाेरा ३ वटा र छाेरी २ वटा म लगायत ६ जनाको परिवार छन् खानलाई एकदम समस्या छ पहिला त हाेटलमा काम गरेर बच्चाहरुलाई पाल्न पाेषन गर्थें अहिले त एक दम गम्भीर अवस्था छ । हाेटल पनि बन्द छ । कसरी बच्चाहरुलाई बचाउने, काेराेना भाइरस भन्दा पनि अब हामी भाेकै मर्ने अवस्था छ कतैबाट केही राहत पाईन्छ अाश छैन । त्यसै टाेलका मठेरनी देवी माझी भन्छन् मेरो श्रीमान कमाउनलाई भारतकाे पंजाब जानू भएको छ । अहिले लकडाउनले गर्दा अाउन सक्नु भएन मेरो दुईवटा छाेरा र एउटा छाेरी छन अहिले एकदम समस्या छ । अरु खेतहरुमा गएर गेहु बटुलेर ल्याएपछि जसाे तसाे बाचि रहेको छु ।
हरिपुरवा नगरपालिका वडा नम्बर ८ बसतपुर मुसहर टोलका ठगा माझी माझी भन्छन् । मेरो ३ वटा छाेरी, २ वटा छाेरा र हामी २ लगाएर जम्मा ७ जनाको परिवार छन् । कमाउने मान्छे एकलै छु त्याेपनि सधै काम लाग्दैन ।
खानकाे लागि एकदम समस्या छ । हामीले राहत कहिले पाउने हाे थाहै छैन । त्यसै टाेलका समताेलीया माझी भन्छन । मेरो ४ वटा छाेरी, २ वटा छाेरा छन् हामी दुईजना लगाएर जम्मा ८ जनाकाे परिवार छन् कमाउने म एकजना मात्र छु अहिले लकडाउकाे बेला सधैं काम पनि लाग्दैन कहिलेकाहीं मात्र काममा जान्छु त्यहीँ पैसाले जसाेतसाे पेट पालेको छु काेराेनाकाे तरास भन्दा पनि भाेककाे तरास छ ।
हामीलाई राहत बाड्न ढिलो भयाे । अब धेरै समय लाग्दैन २/३ भित्रै वितरण गर्छु वडा नम्बर ८ का वडा अध्यक्ष बिरेन्द्र यादवले बताए । तथ्यांक संकलन गर्न ढिलो भए हामी भाेली बैठक बसी छलफल गरि २/३ दिन भित्रैमा राहत वितरण गर्ने योजना रहेको नगर प्रमुख: सियाराम रायले जनाउनुभयो ।
