प्रतीक्षा खबर
जनकपुरधाम, चैत २२ गते ।
प्रादेशिक अस्पताल जनकपुरमा कोरोना आशंकामा राखिएका ५ जनाको रिपोर्ट नेगेटिभ आएको छ ।
अस्पतालको आइसोलेसनमा रहेका पाँचैजनाकोे स्वाब परीक्षण शुक्रबार अस्पतालमै जडान गरिएको पीसीआर मेसिनबाट गरिएको थियो । शुक्रबार परीक्षण गरिएपनि शनिबार उनीहरुको परीक्षणको रिजल्ट नेगेटिभ आएको प्रदेश २ को स्वास्थ्य निर्देशनालय बरिष्ठ जनस्वास्थ्य प्रशासक डा. विजय झाले जानकारी दिए ।
कोरोना आशंकामा राखिएका छैठौँ व्यक्तिको स्वाब परीक्षण समेत गरिएको छ । छैठौँ व्यक्तिको स्वाब परीक्षणको रिजल्ट समेत आजै आउने बताइएको छ ।
पीसीआर मेसिनको अभावका कारण कोरोना संक्रमणको जाँचका लागि टेकुस्थित शुक्रराज ट्रपिकल सरुवा रोग उपचार केन्द्रमा पठाउनु पर्ने बाध्यता रहेको थियो । प्रादेशिक अस्पतालमै पीसीआर मेशिन जडान भएपछि कोरोना संक्रमित रहे नरहेको पत्ता लगाउन सहज भएको चिकित्सकहरूले बताएका छन् ।
सभार टुडेपाटी
