धनविर महताे
चैत ४ गते
ईलाका प्रहरी कार्यालय गौशालाले लोकल मदिरा विक्री वितरणमा कडाई गर्ने भएको छ । मंगलवार ईलाका प्रहरी कार्यालय गौशालाले एक सुचना जारी गर्दै लोकल मदिरा सेवनले गर्दा मान्छेको ज्यान नै जाने भएपछि विक्री वितरणमा कडाई गरेका हुन । प्रहरी निरीक्षक प्रकाश गिरीले रेडियो रुपान्तरणसँग कुराकानी गर्दै लोकल मदिरा उत्पादन र विक्री गर्नका लागि आफनो ईलाकाभरिमा नै कडाई गरेको जनाइएको छ । लोकल मदिरा सेवनको कारण विभिन्न समयमा मान्छेहरुको मृत्यु भएको खवर सार्वजानिक भएकोले यस्ता पदार्थको उत्पादन र विक्री वितरणका लागि पूर्ण रुपमा बन्देज लगाईएको जनाएको छ । त्यस्तै यहाँ संचालित होटेलहरु राति ८ बजेपछि बन्द गर्नका लागि व्यवसायीलाई निर्देशन समेत दिईएको प्रहरी निरीक्षक रेग्मीले बताए । मंगलवार व्यवसायीहरुलाई ईलाका प्रहरी कार्यालय गौशालाको प्रागणमा वोलाई छलफल सहित निर्देशन दिईएको प्रहरी निरीक्षक रेग्मीले जानकारी दिएका छन । यता मदिराभटटी भत्काउने कार्य पनि तीव्र गतिमा अगाडि बढाईएको ईलाका प्रहरी कार्यालय गौशालाले जनाएको छ । यसैवीच प्रहरी चौकीले स्थानिय व्यापारीलाई दिएको निर्देशन बमोजिम मंगलवारको वजारमा कुनै पनि पसलमा लोकल मदिरा पाएका थिएनन । विहानै प्रहरी चौकीले सर्वपक्षीय भेला डाकेर मदिरा विक्री वितरणका लागि रोक लगाएपछि वजारभरिमा लोकलमदिराको विक्री नभएको जानकारी दिनुभयो ।
