समाजवादी युवासंघको प्रशिक्षक कार्यक्रममा शनिबारदेखि सुरु हुने

जनकपुरधाम । जनता समाजवादी पार्टी(जसपा) नेपालको भातृसंगठन समाजवादी युवा संघको प्रशिक्षण कार्यक्रम शनिबारदेखि सुरु हुने भएको छ ।
समाजवादी युवा संघको केन्द्रिय कमिटिले आयोजना गरेको प्रशिक्षण कार्यक्रम तीनदिन सम्म चल्ने भएको हो । मधेश प्रदेशको राजधानी जनकपुरधामको रमण टावरमा शनिबारदेखि सुरु हुने बताइएको हो ।
जनता समाजवादी पार्टी(जसपा) नेपालको केन्द्रिय अध्यक्ष उपेन्द्र यादवको सहभागितामा चल्ने प्रशिक्षण तथा प्रशिक्षक कार्यक्रममा समाजवादी युवा संघका देशैभरिका युवा नेता तथा कार्यकर्ताहरुको सहभागिता रहने समाजवादी युवा संघको केन्द्रिय अध्यक्ष संजीव यादवले जनाएको छ ।
‘शनिबार पहिलोदिन उद्घाटन सत्रबाट सुरु हुनेछ । भने आइतबार र सोमबार राष्ट्रिय अ
ध्यक्ष उपेन्द्र यादवले मुख्य प्रशिक्षकको रुपमा हामीलाई प्रशिक्षण दिनुहनेछ ।’ अध्यक्ष यादवले भने । उनका अनुसार फाल्गुन ७ सोमबार सो कार्यक्रम समापन्न हुनेछ ।
सो कार्यक्रममा सातै प्रदेशबाट जसपा भातृसंगठन समाजवादी युवा संघका पदाधिकारीहरु सहभागी रहने र थपमा विभिन्न ‘सोसल इन्फुलेन्सर’ समेत सहभागी रहने समाजवादी युवा संघको केन्द्रिय महासचिव दिलिप कुमार पटेलले बताए ।
जसपा अध्यक्ष यादवले पछिल्लो समय पार्टीका सबै भातृ, शुभेच्छुक र अन्य संगठनका नेता तथा कार्यकर्ताहरुलाई प्रशिक्षण दिने कार्यको निरन्तरता दिएका छन् । ‘मुख्य प्रशिक्षको रुपमा संघीय अध्यक्ष उपेन्द्र सर नै रहनुहुनेछ । त्यस यता विभिन्न विषयमा दखल राख्ने पार्टीका शीर्ष नेता ज्यूहरु रहनुहुनेछ ।’ महासचिव पटेल भने । उनका अनुसार पछिल्लो समय नेता तथा कार्यक्रताहरुमा प्रशासनिक, पार्टीगत र अन्य राज्य संचालन र संयन्त्रको विषयमा अलमल देखिएको हुन्नाले यस किसिमको कार्यक्रममा उनीहरुमा थप उर्जा थपिने छ । साथै, यसले राज्य संयन्त्र भित्र रहेका पदाधिकारीलाई काममा समेत सहजता हुने पटेलको दाबी छ ।
यसअघि जसपाले मधेश प्रदेश कमिटि, प्रेस मञ्च नेपाल र समाजवादी महिला संघका पदाधिकारीहरुलाई प्रशिक्षित गरिसकेका छन् । अध्यक्ष यादवले प्रशिक्षणमा मधेशको इतिहास, आन्दोलन, राज्य संचालन, नेपालको प्रशासनिक अवस्था, विश्वमा भएको क्रान्ति, समाजवादको विषयमा नेता, कार्यकर्ताहरुलाई प्रशिक्षित गर्दै आएका छन् ।