होली पर्वको अवसरमा महोत्तरीको बलवानगरपालिकामा जोगिरा गायन कार्यक्रम मनाइएको छ । मिथिलांचलमा होलीमा गाइने जोगीरा लोप हुनबाट जोगाउन अपन सँस्कृति अपन पहिचान, लोकगित,जोगिरा बचाउ अभियान’ मुल नाराका साथ मनाइएको हो ।
बलवा नगरपालिका ११ भगवतीपुर ब्राह्मण टोलमा आयोजना गरिएको होली महोत्सव विभिन्न होरैया समुहले होरी प्रस्तुत गरेका थिए ।
कार्यक्रमका आयोजक रोशन मिश्रले मिथिलांचलको अमूल्य गहनाको रुपमा रहेको फागु गीत, जोगीरा लोप हुनबाट बचाउन अहिलेको युवाहरुको जिम्मेवारी रहेको बताए ।
कार्यक्रम पत्रकार बिजय झाले संचालन गरेका थिए । कार्यक्रमको प्रत्यक्ष प्रसारण मिथिलांचल एफएम, द सौर्य मिथिला अ‘ानलाइन डट कम, स्थानीय सोनामाई एफएम, म्याक्स एफ एम सहितका मीडियाबाट भएको थियो ।
