रामगाेपालपुर नगरपालिकामा संविधानको विरोधमा प्रदर्शन

नागेन्द्र कुमार यादव
प्रतिक्षाखबर,रामगाेपालपुर
संविधान दिवसको विरोधमा रामगाेपालपुर नगरपालिकाकाे विभिन्न स्थानमा प्रदर्शन भएको छ ।
जनता समाजवादी पार्टीले महाेतरी जिल्लाको विभिन्न ठाउँहरुसहि रामगाेपालपुर नगरपालिकाकाे विभिन्न स्थानमा प्रदर्शन गरेको हो ।
कालो ब्यानरसहित कालो कपडा शीरमा बाँधेर प्रदर्शनकारीहरुले संविधान जारी भएको दिन असोज ३ गतेलाई कालो दिनको संज्ञा दिँदै विरोध प्रदर्शन गरेका हुन् ।
नगरपालिकाकाे विभिन्न ठाउँमा भएको प्रदर्शन पश्चात् कोणसभा गरि कार्यक्रम समापन गरिएको थियो । रामगाेपालपुर नगरपालिकामा जसपाको विरोध प्रदर्शनमा र्‍याली शान्तिपूर्ण भए पनि सुरक्षा व्‍यवस्था भने कडा गरिएको थियो ।
रामगाेपालपुर नगरपालिकामा विरोध प्रदर्शनपछि भएको कोणसभामा वक्ताहरुले संविधान संशोधन नभएसम्म आसोज ३ गते मधेशमा कालो दिनकै रुपमा संविधानको विरोध गर्ने बताए।
अहिले राष्ट्रमा एकल पहिचानको आधारमा राष्ट्रियताको परिभाषित गरिएकाले जबसम्म सम्पूर्ण जाति, समुदाय, धर्मको आधारमा राष्ट्रियता परिभाषित हुँदैन, तबसम्म आन्दोलन जारी रहने जसपा नेताहरुकाे चेतावनी थियाे ।
संविधानको विरोधमा आज साँझ ६ बजे ५ मिनेटसम्म ‘ब्ल्याक आउट’ गर्नेसमेत आग्रह गरिएको थियाे ।
यता, जिल्लाका १५ वटै स्थानीय तहसहित जिल्लाका सबै सरकारी निकायले भने विभिन्न कार्यक्रम गरी संविधान दिवस मनाउनुकाेसाथै रामगाेपालपुर नगरपालिकाकाे विभिन्न वडाहरुमा विभिन्न कार्यक्रमगरी मनाइएका छन ।